ІЛЕ АУДАНЫ ЛИГАСЫНДА 3-ТУРДЫҢ ТАРТЫСТЫ ОЙЫНДАРЫ ӨТТІ

Іле ауданында аудандық футбол лигасының 3-туры жоғары қарқынмен өтіп, жанкүйерлерге тартысты ойындар мен әсерлі сәттер сыйлады. Тур барысында командалар жасыл алаңда өзара мықтыны анықтап, турнир кестесіндегі орындарын жақсарту үшін бар күшін салды.

Тур қорытындысы бойынша «Байкент» командасы «Өтеген батыр» ұжымын 1:0 есебімен жеңсе, «Ащыбұлақ» командасы «Ақши» қақпасына 5 гол соғып, 5:1 есебімен сенімді жеңіске жетті.

Сонымен қатар, «Байсерке» командасы «Боралдайды» 5:2 есебімен ұтып, нәтижелі ойын көрсетті. Ал «Ақсай» командасы «А.Тоқпанов» құрамасын 1:0 есебімен тізе бүктірді.

Бұл турда «Қараой» командасы демалыс алды.

Аудандық футбол лигасы — бұқаралық спортты дамытуға, жастар арасында салауатты өмір салтын насихаттауға және ауыл командалары арасындағы достық пен бәсекелестікті арттыруға бағытталған маңызды спорттық алаңдардың бірі.

Турнир жалғасады. Алда жанкүйерлерді бұдан да қызықты кездесулер күтеді.