Дін және жастар

2026 жылдың 02 маусым күні Талғар ауданы жастар ресурстық орталығының ұйымдастыруымен Талғар  Политехникалық колледжінің студенттерінің қатысуымен «Дін және жастар» тақырыбында ақпараттық түсіндіру жұмыстары өтті. 
Шараның негізгі мақсаты – жастар арасында діни сауаттылықты арттыру, олардың теріс діни ағымдардың ықпалына түсуінің алдын алу және дұрыс дүниетаным қалыптастыру.
Іс-шара ақпараттық-түсіндіру және ашық диалог форматында өтті. Сондай-ақ, интернет кеңістігіндегі діни ақпараттардың барлығы бірдей сенімді еместігі ескертіліп, тек ресми және тексерілген дереккөздерге сүйену қажеттілігі түсіндірілді.
Ақпараттық-түсіндіру жұмысын Алматы облысы «Дін істері басқармасы» КММ-нің дін саласындағы мәселелерді зерттеу орталығы, дінтанушы маман Амантай Әділ  жүргізді.
Мұндай кездесулер жасөспірімдердің ақпараттық мәдениетін арттыруға және білім беру ортасында алдын алу жұмыстарының тиімділігін күшейтуге ықпал етеді.