25 қазан – Ұлттық мереке Республика күні құтты болсын
Құрметті жерлестер! 25 қазан – Ұлттық мереке Республика күні құтты болсын!
Бүгінде татулықты ту еткен бейбіт халқымыздың бағындырған белестері, алған асулары жетерлік. Мемлекетіміздің дамуы тұрақты саясат пен ішкі бірліктің арқасы. Рухы биік, намысы берік бабаларымыздың ғасырлар бойғы асыл мұраты – азаттықты аялау, тағдыры ортақ тұтас халқымыздың татулығын сақтау біздің басты міндетіміз болып табылады.
1990 жылдың 25 қазаны күні Қазақстанның егемендігі туралы декларация қабылданды. Құжатта Қазақстанның тәуелсіз мемлекет ретіндегі саяси - құқықтық негіздері жарияланып, Қазақстанның жеке территориясы, азаматтығы, халықаралық қатынастар дербестігі, мемлекеттік Рәміздері бекітілді.
Республика күні біздің еліміздің мемлекет құру жолындағы тарихи қадамдарымыздың жарқын символы! 2022 жылғы қыркүйектегі ҚР Парламенті қабылдаған заңға сәйкес, «25 қазан - Республика күні» ұлттық мерекесі болып қайта белгіленді. Бұл мереке Қазақстан тарихында ерекше маңызға ие айтулы мереке болып қала бермек.
Тәуелсіздігіміз тұғырлы, егемендігіміз баянды болсын! Көк байрағымыз көгімізде желбірей берсін!
Аудандық мәдениет, тілдерді дамыту және спорт бөлімінің басшысы Қ. Сабырбай.
