Алғыс айту – ізгіліктің белгісі!
2025 жылғы 1 наурызда Алатау қаласында Алғыс айту күніне арналған "Алғыс айту – парызым" атты мерекелік іс-шара өтті. Шараны қалалық мәдениет бөлімі ұйымдастырып, ол Жаңаталап №52 орта мектебінде жоғары деңгейде өткізілді.
Мерекеге Алатау қаласының әкімі Аркен Хамитұлы арнайы қатысып, тұрғындарды атаулы күнмен құттықтады. Ол өз сөзінде алғыс айту мәдениетінің қоғамдағы сыйластық пен бірлікті нығайтудағы маңызын атап өтті.
Іс-шара барысында қатысушылар бір-біріне жылы лебіздерін білдіріп, ризашылықтарын жеткізді. Сондай-ақ, мектеп оқушылары мен жергілікті өнерпаздардың қатысуымен мерекелік концерт ұйымдастырылып, көрермендерге көтеріңкі көңіл-күй сыйланды.
Алғыс айту күні – адамдар арасындағы достық пен татулықтың белгісі. Бұл мереке жақсылық жасауға, айналаға ризашылықпен қарауға үндейді.
Әр күніміз мейірім мен алғысқа толы болсын!
Кеңесбаева Гүлназ, Алатау қаласы әкімінің баспасөз хатшысы.
