Алматы облысында 101 құтқарушы оқытылды
Бүгінгі таңда Алматы облысында құтқарушылар, өрт сөндіруші-құтқарушылар және инспекторлар саны жеткіліксіз. Осы және басқа да мәселелер жөнінде Алматы облысы ТЖД Төтенше жағдайларды жою басқармасының аға инженері, азаматтық қорғау капитаны Дінмұхамед Жүнісов өңірлік коммуникациялар алаңында өткен баспасөз мәслихат барысында мәлімдеді.
Айтуынша, штат санының аздығы профилактикалық және құтқару жұмыстарын толық көлемде қамтуға кедергі келтіреді.
- Қазіргі таңда көзделген 86 штаттық бірліктің 77-сі ғана толықтырылған, ал 9 бірлік бос. Бұл біліктілік талаптарына байланысты. Яғни, 3 жылдан аз жұмыс істеген қызметкерлерді бас құтқарушы лауазымына тағайындауға болмайды, - деді азаматтық қорғау капитаны.
Сондай-ақ, Қапшағай су қоймасының жағалауында жеке демалыс аймақтарының қызметіне рұқсат етілген аумақтың ұзындығы 45 км құрайтынын ескере отырып, шомылу маусымының қызған кезеңінде туристердің қауіпсіздігін қамтамасыз ету үшін 11 мобильді бекет қойылады. Олардың әрқайсысында 2 құтқарушыдан қызмет атқарады. Осылайша, әр бекеттің жауапкершілік аймағы 4 км-ден асады. Қалыптасқан жағдай шомылу маусымы кезінде халық қауіпсіздігіне нақты қауіп төндіреді.
- 2025 жылғы шомылу маусымы кезеңінде (1 маусымнан бүгінгі күнге дейін) облыс аумағында су айдындарында адамдардың қаза болу фактілерінің саны 45-ті құрады. Оның ішінде шомылу кезінде 20 адам қаза болған (шомылу кезіндегі өлім жағдайлары 6 фактіге немесе 42%-ға артқан), оның ішінде 4 бала (балалардың қаза болу жағдайлары 4 фактіге немесе 400%-ға артқан).
2025 жылғы шомылу маусымы кезеңінде (1 маусымнан бүгінгі күнге дейін) облыс аумағында су айдындарында адамдардың қаза болу фактілерінің саны 45-ті құрады. Оның ішінде шомылу кезінде 20 адам қаза болған (шомылу кезіндегі өлім жағдайлары 6 фактіге немесе 42%-ға артқан), оның төртеуі бала (балалардың қаза болу жағдайлары 4 фактіге немесе 400%-ға артқан).
Бұдан бөлек, Департаменттің оқу-жаттығу базасында коммуналдық және жеке жағажайлардың қоғамдық құтқарушыларын даярлау жалғасуда. Дайындық барысында жүзу, құтқару және алғашқы медициналық көмек көрсету дағдылары жетілдіріледі. Осылайша, 2025 жылы 101 қоғамдық құтқарушы оқытылды.
