Іле ауданында «Заң мен тәртіп» қағидаты аясындағы жұмыстар күшейтілуде
Қоғамдық қауіпсіздік, құқықтық мәдениет және заң үстемдігі – аудан дамуының басты бағыттарының бірі
Іле ауданында «Заң мен тәртіп» қағидаты аясында қоғамдық қауіпсіздікті қамтамасыз ету, құқық бұзушылықтардың алдын алу және азаматтардың құқықтық сауаттылығын арттыру бағытындағы жұмыстар тұрақты түрде жүргізілуде.
Бүгінде бұл бағыттағы шаралар тек бақылау жұмыстарымен шектелмей, қоғаммен бірлескен жүйелі әрекетке негізделіп отыр. Құқық қорғау органдары, жергілікті атқарушы органдар және қоғамдық құрылымдар өзара ықпалдасып, аудан тұрғындары үшін қауіпсіз әрі қолайлы орта қалыптастыруға бағытталған жұмыстарды жүзеге асыруда.
Аудан аумағында қоғамдық тәртіпті сақтау, кәмелетке толмағандар арасындағы құқық бұзушылықтардың алдын алу, заң талаптарын түсіндіру мақсатында тұрақты түрде рейдтік іс-шаралар, профилактикалық кездесулер және ақпараттық-түсіндіру жұмыстары ұйымдастырылады.
Жыл басынан бері анықталған құқық бұзушылықтар бойынша қолданыстағы заңнамаға сәйкес тиісті шаралар қабылданып, тұрғындар мен кәсіпкерлер арасында заң талаптарын сақтау жөнінде түсіндіру жұмыстары жүргізілді.
Сонымен қатар кәмелетке толмағандардың құқықтарын қорғау, жастар арасындағы құқық бұзушылықтың алдын алу, сондай-ақ пробация есебіндегі азаматтарды қоғамға бейімдеу мәселелері ведомствоаралық деңгейде тұрақты қарастырылуда.
«Заң мен тәртіп» қағидаты – қоғамдағы тұрақтылық пен сенімнің негізгі кепілі. Осы бағытта атқарылып жатқан жұмыстар азаматтардың қауіпсіздігін қамтамасыз етуге, құқықтық мәдениетті нығайтуға және жауапкершілігі жоғары қоғам қалыптастыруға бағытталған.
Іле ауданында заңдылық пен қоғамдық тәртіпті сақтау бағытындағы жұмыстар алдағы уақытта да жалғасын табады.
