«Заң мен тәртіп» – құқықтық қоғамның берік негізі
Іле ауданында «Заң мен тәртіп» қағидатын ілгерілету аясында «Заңды білу – заман талабы» тақырыбында ақпараттық-түсіндіру кездесуі ұйымдастырылды.
Іс-шара барысында ішкі саясат бөлімінің маманы жастармен кездесіп, құқықтық сауаттылықты арттырудың, заң талаптарын сақтаудың және қоғамдағы әр азаматтың жауапкершілігінің маңыздылығына тоқталды.
Кездесу кезінде қатысушыларға Қазақстан Республикасының заңнамасындағы азаматтардың негізгі құқықтары мен міндеттері түсіндіріліп, құқық бұзушылықтың алдын алу, қоғамдық тәртіпті сақтау және құқықтық мәдениетті қалыптастыру мәселелері кеңінен талқыланды. Сондай-ақ жастар тарапынан қойылған сұрақтарға жан-жақты жауап беріліп, өзара пікір алмасу ұйымдастырылды.
Мұндай іс-шаралар жастардың құқықтық санасын қалыптастыруға, заңға құрметпен қарауға және қоғамдағы тәртіп пен тұрақтылықты нығайтуға бағытталған. Заңды білу және оны сақтау – әрбір азаматтың міндеті әрі қауіпсіз, әділетті қоғам құрудың басты кепілі.
