АЛМАТЫ ОБЛЫСЫНДА «ҚҰҚЫҚТЫҚ ТӘРТІП ӘЛІППЕСІ» АКЦИЯСЫ ӨТТІ

«Заң және тәртіп» идеологиясын іске асыру аясында Алматы облысының аумағында полиция, прокуратура қызметкерлері және жергілікті атқарушы органдар бірлесіп ұйымдастырған «Құқықтық тәртіп әліппесі» профилактикалық акциясы өтті.

Іс-шараның негізгі мақсаты – тұрғындардың құқықтық мәдениетін арттыру, азаматтардың құқық қорғау органдарына деген сенімін нығайту, сондай-ақ қоғамдық қауіпсіздікті қамтамасыз ету және азаматтардың заңды құқықтарын қорғау мәселелері бойынша практикалық көмек көрсету.

Акция барысында облыс тұрғындары полиция және прокуратура қызметкерлеріне өздерін толғандырған сұрақтарын тікелей қойып, қолданыстағы заңнама талаптары бойынша түсіндірмелер алып, құқықтық тәртіпті қамтамасыз етуге қатысты кеңестерге ие болды.

Сонымен қатар азаматтарды қабылдаумен қатар қолайсыз отбасылардың, профилактикалық есепте тұрған адамдардың, сондай-ақ мемлекеттік органдардың ерекше назарын қажет ететін өзге де санаттағы азаматтардың тұрғылықты мекенжайларына профилактикалық рейдтер ұйымдастырылды. Бару барысында профилактикалық түсіндіру жұмыстары жүргізіліп, заң талаптары мен құқық бұзушылық жасағаны үшін көзделген жауапкершілік шаралары түсіндірілді.

Жалпы акция аясында құқық қорғау органдарының өкілдеріне облыстың 300-ден астам тұрғыны жүгінді. Профилактикалық жұмыстармен 200-ден астам мекенжай қамтылды.

Осындай іс-шаралар Алматы облысының барлық аумағында бір мезгілде өткізіліп, «Заң және тәртіп» қағидаттарын нығайтуға, құқық бұзушылықтардың алдын алуға және азаматтардың қауіпсіздігін қамтамасыз етуге бағытталған.