Еңбекқорлық пен адалдық – еліміздің алға басуына басты себеп
Президент Қасым-Жомарт Тоқаев алдағы жылды «Жұмысшы мамандықтар жылы» деп жариялады. Осыны естігенде, расында да ел дамуының негізі еңбек адамы екеніне тағы бір рет көзім жетті. Шекарада тұрған сарбаздан бастап, өндірісте, ауруханаларда, мектептерде қызмет етіп жүрген әрбір азамат – біздің тірегіміз.
Президент мерекелік құттықтауында: «Мұндай мамандықтар – елдің тірегі, ал еңбекқорлық пен адалдық – еліміздің алға басуына басты себеп. Мерекеге қарамастан жұмысын тоқтатпай, өз міндетін атқарып жүрген азаматтардың еңбегі ерекше құрметке лайық», – деп атап өтті.
Шынында да, бүгінгі заманда жұмысшы мамандықтарына деген құрметті арттыру – тек экономикалық емес, рухани құндылық та. Біз бәріміз бір-бірімізге тәуелдіміз. Бірінің қолын бірі жалғаған еңбек қана ортақ мақсатқа жетуге жол ашады.
Еңбекті бағалай білейік. Себебі елдің болашағы еңбекке адал адамдардың қолында!
Рысбекова Меруерт Мұратбайқызы
