Бірлік пен даму жолындағы тарихи қадам
Бүгін Президент Қасым-Жомарт Кемелұлы Токаевтың Жолдауын тыңдап, еліміздің болашағына сенімім арта түсті. Жаһандық өзгерістер кезеңінде Қазақстанның даму бағыты нақты айқындалды.
Ең бастысы, цифрландыру мен жасанды интеллектті кеңінен енгізу арқылы елімізді жаңа деңгейге көтеру. Алдағы үш жылда Қазақстанды толық цифрлы елге айналдыру бастамасы, уақыт талабы. Бұл қадам экономикаға да, қоғамға да ашықтық, тиімділік әкеледі деп сенемін.
Alatau City-ге арнайы мәртебе беру, энергетика саласындағы жаңа жобалар, ауыл шаруашылығында агрохабтар мен жерді спутниктік бақылау, бәрі де халқымыздың әл-ауқатын жақсартуға бағытталған.
Президентіміз ұсынған парламенттік реформа, бір палаталы жүйеге көшу мәселесі халықпен бірге талқыланатын тарихи қадам. Бұл мемлекетіміздің демократиялық дамуындағы жаңа белес болмақ.
Мен қоғамдық кеңестің мүшесі ретінде Жолдаудағы саясатты толық қолдаймын. Ең бастысы, әрбір бастама сапалы орындалып, нақты нәтижесін ел көретіндей болуы тиіс. Бұл жолда бәріміздің ортақ жауапкершілігіміз бар.
Аян Қонар, журналист.
