Алматы облысының Қарасай ауданында «Мерейлі отбасы» байқауының аудандық кезеңінің қорытындылары
Алматы облысының Қарасай ауданында «Мерейлі отбасы» байқауының аудандық кезеңі қорытындыланып, үздіктерді марапаттау рәсімі ұйымдастырылды. Салтанатты жиынға аудан әкімі аппаратының басшысы Данияр Мантаев қатысты.
Жиында сөз алған Данияр Ерлікұлы өнегелі отбасылардың қоғамдағы орнына тоқталып, ұлттық құндылықтарды дәріптеу жолындағы еңбектері үшін қатысушыларға алғыс білдірді. Ол жеңімпаздар мен жүлдегерлерге Қарасай ауданы әкімінің орынбасары Алғыс хаттары мен арнайы сыйлықтарын табыстады.
Айта кетейік, шілде айында өткен байқауға ауылдық округтерден көптеген үлгілі отбасылар қатысып, бақ сынаған болатын. Тартысты бәсекенің қорытындысы төмендегідей анықталды:
Бас жүлде: Туютовтар отбасы (облыстық кезеңге жолдама алды)
II орын: Қуанышевтар отбасы
III орын: Әлменбетовтер отбасы
Жеңістің биік шыңынан көрініп, Бас жүлдені иеленген Туютовтар отбасы өз қуаныштарымен бөлісіп, жүрекжарды тілектерін білдірді:
«Отбасымыз үшін бұл – үлкен мәртебе әрі зор қуаныш. Елімізде ұлттық құндылықтар мен отбасы институтын дәріптейтін осындай байқаулардың ұйымдастырылып жатқанына алғысымыз шексіз. Барлық қазақстандық отбасыларға амандық, бірлік және береке тілейміз, – деді олар.
