Қонаев қаласында «Sport Time» жұмысшы жастар арасында шағын футболдан облыстық турнирі өтті!

Бұл турнир – тек спорттық жарыс емес, күнделікті еңбекте шыңдалған жастардың жаңа қырынан танылатын сәті. Құрылыс алаңынан, өндіріс цехынан, жол үстінен келген жастар енді жасыл алаңда шеберліктерін сынауда. Бірі слесарь, бірі жүргізуші, енді бірі ветеринар. Алайда барлығын біріктіретін ортақ құндылық жеңіске деген жігер мен командалық рух.

Жарысқа облыстың әртүрлі кәсіпорындары мен мекемелерінен 18-35 жас аралығындағы жұмысшы жастар қатысты.

Турнир қорытындысы:  
І орын – Қонаев қаласы жүргізушілер командасы  
ІІ орын – Алатау қаласы электриктер командасы  
ІІІ орын – Еңбекшіқазақ ауданының құрылысшылар командасы  

Жеңімпаздар қаржылай сыйлықтармен марапатталды:  
* І орын – 300 000 теңге  
* ІІ орын – 200 000 теңге  
* ІІІ орын – 100 000 теңге  

Сонымен қатар, барлық қатысушы командаларға ынталандыру сыйлықтары табысталды

Осындай шаралар жұмысшы жастардың белсенділігін арттырып, спортқа деген қызығушылығын күшейтеді!