Елордада ел Президенті атынан «Жаңа жыл республика төрінде» атты республикалық шырша мерекесі өтті
Оған еліміздің барлық өңірінен 100-ден астам бала жиналды. Алматы облысынан 5 бала қатысты Шыршаға шақырылған балаларға Мемлекет басшысы Қасым-Жомарт Тоқаевтың атынан құттықтау хат табыс етілді. Балалармен бірге шырша шамын жағуға ҚР Оқу-ағарту министрі Ғани Бейсембаев қатысты. Президент Қасым-Жомарт Тоқаев атынан сыйлықтарды табыс етті. Рюкзак ішінде Президенттің құттықтау ашықхаты, планшет, тәттілер және энциклопедиялық кітаптар бар. Балаларға елорданың үздік шығармашылық ұжымдары Маржан Арапбаева, Қарақат Әбілдина, Ержан Максим сынды танымал әншілер өнер көрсетті. «Астана Опера» мемлекеттік опера және балет театрының солистері «Күлбикеш» спектаклінің қойылымын тарту етті.
