ІЛЕ АУДАНЫНДА ОТАНДЫҚ ӨНДІРІС ДАМУДА: «СЛ ГРУПП» ЗАУЫТЫ ІСКЕ ҚОСЫЛАДЫ
Іле ауданында өндіріс саласын дамыту бағытындағы жұмыстар жалғасуда. Соның бірі – отандық тауар өндіруші «СЛ Групп» кәсіпорны. Кәсіпорын металл конструкциялары мен алюминийден жасалған жылыту радиаторларын өндіруге маманданған.
Жобаға 8 миллион АҚШ доллары көлемінде инвестиция тартылған. Кәсіпорында 60–70 адам жұмыспен қамтылады. Жобаның басты мақсаты – елімізде өндірілетін сапалы өнім көлемін арттырумен қатар, жергілікті тұрғындарды тұрақты жұмыспен қамтып, мамандар даярлау.
Кәсіпорынның бас директоры Сю Лилияның айтуынша, өндірісті Іле ауданында іске қосу туралы шешім өңірдің өнеркәсіптік әлеуеті мен даму мүмкіндіктерін ескере отырып қабылданған. Компания алдағы уақытта өндіріс көлемін ұлғайтып, отандық өнімнің бәсекеге қабілеттілігін арттыруды көздейді.
