«ЗАҢ МЕН ТӘРТІП» – ЖОЛ ҚАУІПСІЗДІГІНІҢ КЕПІЛІ
Жол қауіпсіздігі – азаматтардың өмірі мен денсаулығын қорғаудың маңызды бағыттарының бірі. Жол қозғалысына қатысушылардың жауапкершілігі мен тәртібі жол-көлік оқиғаларының алдын алуда шешуші рөл атқарады.
«Заң мен тәртіп» қағидаты жол қозғалысы саласында да ерекше маңызға ие. Әрбір жүргізуші мен жаяу жүргінші жол қозғалысы ережелерін қатаң сақтап, өз әрекетіне жауапкершілікпен қарауы қажет.
Іле ауданында жол-көлік оқиғаларының алдын алу, жол қозғалысы ережелерін сақтау және тұрғындардың құқықтық сауаттылығын арттыру бағытында профилактикалық жұмыстар тұрақты түрде жүргізіледі. Құзырлы органдар тарапынан жүргізушілер арасында түсіндіру жұмыстары ұйымдастырылып, жол қозғалысы талаптарының сақталуына бақылау жүргізілуде.
Жолдағы тәртіп – тек жүргізушінің ғана емес, барлық жол қозғалысына қатысушылардың ортақ жауапкершілігі. Жаяу жүргіншілер де жолды белгіленген жерден кесіп өтіп, бағдаршам талаптарын сақтауы тиіс.
Жол ережесін бұзу адам өмірі мен денсаулығына қауіп төндіруі мүмкін. Сондықтан белгіленген жылдамдықты сақтау, жол белгілеріне бағыну, көлік құралын мас күйінде басқармау және жаяу жүргіншілерге жол беру – әрбір жүргізушінің басты міндеті.
Қауіпсіз жол қалыптастыру үшін заң талаптарын сақтау мен өзара құрмет маңызды. Әр азамат жол қозғалысы ережелерін сақтап, жауапкершілік танытса, жол-көлік оқиғаларының алдын алуға және адам өмірін қорғауға мүмкіндік молаяды.
«Заң мен тәртіп» – қауіпсіз қоғамның негізі. Ал жолдағы тәртіпті сақтау – әр адамның өміріне деген жауапкершілігі.
