РУХАНИЯТ – ҰЛТТЫҢ МӘЙЕГІ
Жаһандану дәуірінде ұлттың өз болмысын, төлтума табиғаты мен дәстүрінің қаймағын бұзбай сақтап отыруы оңай емес. «AMANAT» партиясы тарихымызды дәріптеу, руханиятымызды жаңғырту бағытындағы бастамаларды жүзеге асыруда. Бұл – біздің ұлтымыздың, халқымыздың алдындағы перзенттік парызымыз болып табылады.
Осы мақсатта, «AMANAT» партиясының Іле аудандық филиалының ұйымдастыруымен кешенді шаралар жүзеге асуда. Соның бірі «Ұлттық мұра» партиялық жобасы аясында Ащыбұлақ ауылдық округінің №19 орта мектептің жоғарғы сынып оқушыларын, өңіріміздегі тарихи орын саналатын Жамбыл Жабаевтың әдеби-мемориалдық мұражайына тарихи кешендермен таныстыру шарасы ұйымдастырылды.
Жастар тарихты білуі керек. Қазақтың ұлт ретінде, мемлекет ретінде қалай сақталғаны жадымызда сақталуы керек. Бүгінгі ашық аспан астында, бір шаңырақта тату-тәтті өмір сүріп жатқанымыз елінің азаттығы, бірлігі, ынтымағы мен болашағы үшін күресіп, соның жолында жанын құрбан еткен қайсар бабаларымыздың арқасында екенін біліп жүру керек, - деді аудандық партия төрағасы Алмасбек Сатибаев.
«АМАNАТ» партиясы ұжымы маңызды шараның басты мақсатына тоқталып «Ұлттық мұра» партиялық жобасы аясында Жамбыл ауданынан бастау алған экскурсияның маңыздылығын атап өтті.
