АЭС САЛУДЫ ҚОЛДАУ ЖӨНІНДЕГІ ХАЛЫҚТЫҚ ШТАБ ӨКІЛДЕРІ "ОБЛЫСТЫҚ БАЛАЛАР КЛИНИКАЛЫҚ АУРУХАНАСЫ" ҰЖЫМЫМЕН КЕЗДЕСТІ
Бүгін АЭС салуды қолдау жөніндегі Халықтық штаб өкілдері Қуат Байғоджаев, Ерболат Тұрұмбетов, Алмасбек Сатибаев, Мақсат Сейдалиев, Нұрлан Түймелиев, Бағдат Абижанов референдумның маңыздылығын түсіндіру мақсатында "Алматы аймақтық балалар клиникалық ауруханасының"еңбек ұжымымен кездесті.
Кездесу барысында штаб төрағасы Қуат Байғоджаев Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауындағы еліміздің әлеуметтік-экономикалық дамуына бағытталған маңызды міндеттерді атап өтті. Соның ішінде халықпен алдын ала талқылаудан өткен Қазақстанда АЭС салу мәселесіне қатысты жалпыұлттық референдум өткізу мәселесіне ерекше тоқталды.
Қазіргі уақытта Қазақстан электр энергиясының тапшылығын сезінуде және оны көрші елдерден импорттауға мәжбүр екенін бәрі білуге тиіс. Осы тапшылық жаңа өндірістердің іске қосылуына, жұмыс орындарын құруға тікелей әсер етіп, бизнестің дамуына кедергі келтіруде. Бұған жол беруге болмайды. Осы мәселені шұғыл әрі түбегейлі шешу керек,- деді Қуат Байғоджаев.
Жиында еңбек ұжымдары көкейлерінде жүрген сауалдарын қойып, жауаптар алды.
