АЭС – БОЛАШАҚТЫҢ ЭНЕРГИЯСЫ

Іле ауданындағы АЭС салуды қолдау жөніндегі халықтық штаб өкілдері Боралдай кентіндегі №39 мектеп гимназиясының  ұжымымен кездесті. 
Онда Мемлекет басшысының халыққа жолдауынан туындаған мақсат-міндеттерді баяндап, қатысушылар тарапынан қойылған сауалдарға жауап берді.

Жиында хылықтық штаб өкілі Айдар Абдрахманов АЭС құрылысының маңызы мен қажеттін түсіндірді. Сонымен қатар АЭС құрылысы елдің экономикасы мен энергетикалық қуатын арттыратынын тілге тиек етті. 
«Бүгінде Жасыл энергияны пайдалану дамыған елдерде қарқынды жүзеге асуда.  АЭС құрысын жан-жақты зерттеген ғалымдар бірнеше саты қорғаныс қабатын қалыптастырған. Атом энергиясы арқылы еліміздің әл-ауқаты түзеліп, мыңдаған жұмыс орындары ашылып, жаңа маман иелерін дайындауға ықпал етеді және болашақта электр тапшылығын шешудің бір ден бір жолы», – деді ол.

Кездесуге қатысқан білім саласының қызметкерлері толғандырған сауалдарын қойып, атом электр станциясының болашағына қатысты өз ойларын білдіріп, Мемлекет басшысының Жолдауда айтқан АЭС салу бастамасын қолдайтындықтарын білдірді.