ЖОЛДАУДЫ ҚОЛДАУ – ЕЛ ӨРКЕНДЕУІНІҢ НЕГІЗІ
2025 жылы 8 қыркүйекте Мемлекет басшысы Қасым-Жомарт Кемелұлы Тоқаев Қазақстан халқына дәстүрлі Жолдауын жариялады. Бұл маңызды құжат мемлекеттік органдарға, бизнеске және азаматтық секторға алдағы кезеңдегі басты бағыттарды нақты шешімдермен ұсынды.
Бұл Жолдау ел дамуының үш негізгі бағытын қамтиды: экономика, әлеуметтік саясат және сыртқы саясат. Мемлекеттік тіректі жүйенің, азаматтық қоғам мен ел өркендеуінің негізі ретінде көрсетілді.
Қосымша - 2025 жыл Жұмысшы мамандықтар жылы деп жарияланды. Бұл -техникалық және кәсіптік білім беруді дамытуға, мамандықтардың беделін арттыруға бағытталған нақты қадам.
Қазақстан – цифрландыру дәуіріндегі жаңа мүмкіндіктер елі
Президенттің «Қазақстан міндетті түрде цифрлық ел болуы керек» деген сөзінде ұлттың болашағына бағытталған аса маңызды стратегиялық мақсат жатыр. Бүгінгі әлемде цифрлық даму – жай ғана таңдау емес, бұл – өркениеттің негізгі талабы, мемлекеттердің бәсекеге қабілеттілігін айқындайтын басты фактор.
Қазіргі заманның бұлыңғырлығы мен тұрақсыздығы жағдайында цифрландыру мен жасанды интеллект адам өмірінің барлық саласына еніп жатыр. Дәл осы кезде Қазақстанның дұрыс бағыт таңдауы – уақыттың өзі талап етіп отырған қадам. Егер біз бұл үдерістен қалыс қалсақ, онда мемлекетіміздің экономикасы, білім беру жүйесі, тіпті ұлттық қауіпсіздігі де қатерге ұшырауы мүмкін. Сондықтан Президенттің батыл шешімі – елдің дамуы мен болашағы үшін тарихи жауапкершіліктің көрінісі.
Неге цифрландыру маңызды?
Экономика: Жаңа технологиялар өндірісті жеделдетіп, жаңа жұмыс орындарын ашады.
Білім: Жасанды интеллект пен цифрлық құралдар жастарға жаңа дағдыларды меңгеруге жол ашады.
Әділдік пен ашықтық: Мемлекеттік басқарудағы цифрлық жүйе жемқорлықты азайтып, халық сенімін күшейтеді.
Қауіпсіздік: Цифрлық инфрақұрылым ұлттық қауіпсіздіктің басты тіректерінің біріне айналады.
Президент атап өткендей, соңғы жылдары елімізде саяси, әлеуметтік және экономикалық салада ауқымды өзгерістер жасалды. Енді осы реформалардың нәтижесін күшейтетін негізгі құрал – жаппай цифрландыру. Бұл тек мемлекеттік деңгейдегі шара емес, әрбір азаматтың санасына сіңуі тиіс құндылық.
Жасанды интеллект пен жаңа технологиялардың қарқынды дамуы жастардың дүниетанымын түбегейлі өзгертуде. Біз бұл өзгерісті қабылдап қана қоймай, оны елдің дамуына тиімді бағытта қолдануымыз керек.
Сондықтан Қазақстанның үш жыл ішінде толыққанды цифрлық елге айналуы – ұлттың болашағы үшін шешуші қадам. Бұл тек экономикалық емес, мәдени, әлеуметтік және ұлттық тұрғыдан да жаңғыруды білдіреді.
Осы орайда, Президенттің бастамасы – заман талабына сай өршіл әрі көреген қадам. Бұл мақсатқа жету үшін мемлекет пен қоғам, билік пен халық бірлесе әрекет етуі қажет. Өйткені цифрландыру – Қазақстанның әлемдік өркениетке етене араласуының кепілі, ұлттық қауіпсіздік пен ұрпақ бақытының алғышарты.
Ел болашағына деген сенім мен өзгерістерге дайындық -бүгінгі басты үндеу. Бізге бірге ұмтылу -берекелі болашақ кепілі!
"AMANAT" партиясы Іле аудандық филиалының төрағасы Сатибаев Алмасбек Қожабекұлы
