Қазақстан Конституциясы Преамбуласының жаңартылуы – құқықтық және идеологиялық жаңғырудың маңызды қадамы

Қазақстан Конституциясы Преамбуласының жаңартылуы – мемлекеттің құқықтық дамуы мен идеологиялық ұстанымдарын заман талабына сай жаңғыртуға бағытталған маңызды әрі уақтылы қадам. Преамбула – ел дамуының стратегиялық бағытын, қоғам өмірінің басты құндылықтарын айқындайтын іргелі негіз болғандықтан, оның мазмұнын жетілдіру қоғам сұранысынан туындаған заңды үрдіс.

Жаңа редакцияда Қазақстанның демократиялық, зайырлы, құқықтық және әлеуметтік мемлекет ретіндегі қағидаттары бұрынғыдан да айқын әрі мазмұнды көрініс табады. Адам және оның құқықтары мен бостандықтарын ең жоғары құндылық ретінде бекіту – құқық үстемдігін нығайтып қана қоймай, мемлекеттік саясаттың адам игілігіне бағытталғанын нақтылай түседі. Бұл өз кезегінде азамат пен мемлекет арасындағы өзара сенім мен жауапкершілікті арттыруға ықпал етеді.

Преамбулада билікті бөлу қағидатының, мемлекет пен дін арасындағы өзара қатынастың, сондай-ақ қоғамдық институттардың рөлінің нақтылануы қоғамдық тұрақтылық пен келісімді сақтауға бағытталған маңызды ұстаным болып табылады. Тарихи сабақтастық пен ұлттық құндылықтардың көрініс табуы қоғамды ортақ мақсаттар төңірегінде біріктіріп, елдің бірегейлігін нығайтуға қызмет етеді.

Тұтастай алғанда, Конституция Преамбуласына енгізіліп отырған жаңашылдықтар құқықтық мәдениетті арттыруға, қоғамдық сананы жаңғыртуға және елдің ұзақ мерзімді дамуына берік негіз қалыптастыруға бағытталған оң өзгеріс ретінде бағаланады.

Қоғамдық пікір көшбасшысы 
Жансерік Нұрманбай