Отбасы мен баланы қорғау – конституциялық жауапкершілік
Жаңа Конституция жобасында отбасы мен баланы қорғауға басымдық берілуі мемлекеттің әлеуметтік жауапкершілігін күшейтетін маңызды қадам. Бұл нормалар отбасы институтын нығайтып қана қоймай, балалардың қауіпсіз, қолайлы ортада өсуіне құқықтық кепілдіктер қалыптастырады.
Институттық деңгейде мұндай құндылықтардың Ата Заңда бекітілуі әлеуметтік саясаттың тұрақтылығын қамтамасыз етеді. Бұл — демографиялық даму, тәрбие және адами капиталды нығайту тұрғысынан ұзақ мерзімді инвестиция.
Маңыздысы – аталған нормалар декларативті сипатта қалып қоймай, нақты тетіктермен толықтырылуы. Қоғамның, сарапшылар мен ата-аналардың қатысуымен жүзеге асқан жағдайда бұл бастамалар елдің әлеуметтік бірлігін күшейтеді.
Қоғамдық пікір көшбасшысы Панжазов Сабит
