ІЛЕДЕ ЖАҢА КОНСТИТУЦИЯҒА АРНАЛҒАН «РЕФЕРЕНДУМ-2026» ӘР СПОРТ ТҮРЛЕРІ БОЙЫНША СПАРТАКИАДА ӨТТІ
Іле ауданы Өтеген батыр ауылындағы Балалар мен жасөспірімдер спорт мектебінде «Әділетті және Прогрессивті Қазақстанның Халықтық Конституциясы үшін!» коалициясының мүшелерінің қатысумен «РЕФЕРЕНДУМ – БІЗДІҢ БОЛАШАҒЫМЫЗ» әр спорт түрлері бойынша спартакиада өтті. Спартакиада спорттың үш түрінен өтті - волейбол, баскетбол және ұлттық ойын тоғызқұмалақ.
Аудан орталығында өткен іс-шараға әртүрлі жастағы 100-ден астам адам қатысты. Жарыс атмосферасы бірлік рухына, өзара қолдауға және елдегі тағдыршешті үдерістерге белсенді қатысудың маңызын терең түсінуге бағытталды.
Коалиция мүшесі Айдар Абдрахмановтың айтуынша, мұндай іс-шара спорт пен салауатты өмір салтын насихаттап қана қоймай, адамдарды жалпыұлттық құндылықтар төңірегінде топтастырады.
«Бұл спорттық челлендж — азаматтық белсенділіктің ортақ құндылықтар төңірегінде адамдарды біріктіретінінің нақты дәлелі. Әртүрлі буын өкілдерінің бір уақытта стартқа шығу арқылы оң өзгерістерді қолдап, ел болашағы үшін ортақ жауапкершілікті сезінетінін айқындайды», - деді ол.
Өзге де ұйымдастырушылар спорттың ауызбіршілікті нығайтудың тиімді алаңы екенін атап өтті. Олар алдағы уақытта осындай іс-шаралар жалғасын табатынына сенім білдірді. Енді қатысушылар қатарын көбейту және спорт пен азаматтық белсенділікті ұштастыру дәстүрін нығайту бағытындағы жұмыстарды жандандыру жоспарланып отыр.
Өңірлік коалицияның баспасөз қызметі.
