Алматы облысында референдум: өз сайлау учаскеңізді қалай білуге болады?

Қазақстан Республикасының Орталық сайлау комиссиясы Алматы облысы тұрғындарына республикалық референдумға қатысты өз сайлау учаскесін анықтау жолдарын түсіндірді, деп хабарлайды alataunews.kz.

Ведомство мәліметінше, әрбір азамат алдағы дауыс беруге қатысып, өз таңдауын жасауға құқылы. Сайлаушылар тізімінде бар-жоғын және қай учаскеге тіркелгенін бірнеше тәсіл арқылы алдын ала тексеруге болады.

Сайт арқылы тексеру
1. https://sailau.almobl.kz сілтемесіне өту;

2. ЖСН енгізу;

3. «Тексеру» батырмасын басу;

4. Өзіңіздің сайлау учаскеңіз туралы ақпаратпен танысу.

Telegram-бот арқылы
1. https://t.me/sailau_almobl_bot сілтемесіне кіру;

2. «Старт» батырмасын басу;

3. ЖСН енгізу;

4. Сайлаушылар тізіміндегі мәлімет пен учаске туралы ақпарат алу.

Call-орталық арқылы
109 нөміріне қоңырау шалу қажет. Қоңырау шалу тегін. Мамандар тұрғындардың сұрақтарына жауап береді.

Айта кетейік, жаңа Конституцияны қабылдау жөніндегі жалпыұлттық референдум 15 наурызда өтеді. Азаматтарға өз учаскесін алдын ала тексеріп, дауыс беру күніне дайын болу ұсынылады.