Референдум: Қонаевта қоғамдық көлік тегін қатынады
Республикалық референдум күні Қонаев қаласында тұрғындардың дауыс беру учаскелеріне кедергісіз жетуі үшін қоғамдық көлік тегін қызмет көрсетті.
Аталған күні қала көшелерінде барлығы 30 автобус қатынап, олар 9 бағыт бойынша жолаушыларға қызмет көрсетті. Оның ішінде 4 бағыт елдімекендер арасында, ал 5 бағыт қалаішілік бағыттарды қамтыды.
Тегін қоғамдық көлік қызметі әсіресе қарттар, студенттер мен шалғай ауылдарда тұратын тұрғындар үшін қолайлы болды.
Жауапты мамандардың айтуынша, мұндай шаралар тұрғындардың қоғамдық-саяси науқандарға белсенді қатысуына жағдай жасайды.
