АЛМАТЫ ОБЛЫСТЫҚ МОБИЛЬДІ ҚОҒАМДЫҚ ҚАБЫЛДАУ АРҚАБАЙ АУЫЛЫНДА
Арқабай ауылында мобильді қоғамдық қабылдау өтті. Бұл шара барысында ауыл тұрғындары өздерін толғандырған мәселелер бойынша тікелей тиісті мамандармен кездесіп, кеңес алды. Қабылдауда Талғар ауданы жолаушылар көлігі және автомобиль жолдары бөлімі, аудандық Тұрғын үй коммуналдық шаруашылығы және тұрғын үй инспекциясы бөлімінің өкілдері, газ, су, ветеринария бөлімдері қатысып, тұрғындардың сұрақтарына жауап берді.
Тұрғындар негізінен тұрғын үй мәселелері, жол, көгілдір отын, білім беру саласындағы мәселелер, мектеп, коммуналдық қызметтер және көлік қатынасына қатысты өз пікірлері мен ұсыныстарын білдірді. Әрбір сұраққа нақты әрі сауатты жауаптар беріліп, ұсынылған мәселелер бойынша тиісті шаралар қабылданатыны айтылды.
Бұл мобильді қоғамдық қабылдау ауыл тұрғындарының мәселелерін тікелей шешуге бағытталған маңызды қадам болып табылады. Мұндай кездесулер халықпен тығыз байланыс орнатуға және олардың сұраныстарын дер кезінде қанағаттандыруға мүмкіндік береді.
