Алатау қаласының әкімі халықаралық және республикалық жарыстардың жеңімпаздарымен кездесті
Бүгін Алатау қаласының әкімі Аркен Хамитұлы Өтенов қалаға қарасты халықаралық және республикалық деңгейдегі пәндік олимпиадалар мен шығармашылық байқауларда, сондай-ақ спорттық сайыстарда топ жарған озат оқушыларды қабылдады.
Кездесу барысында Аркен Хамитұлы оқушылардың білім мен спорт саласындағы жетістіктерін ерекше атап өтіп, олардың табысты болашағы – ел ертеңінің жарқын кепілі екенін жеткізді. Жас дарындармен еркін форматта сұхбат құрып, оларды білім, ғылым және спорт жолында табандылықпен еңбек етуге шақырды.
Іс-шара аясында әкім үздік оқушыларға алғыс білдіріп, ынталандыру мақсатында арнайы сый-сияпаттар табыстады.
Бұл кездесу жас ұрпаққа қолдау білдірумен қатар, олардың еңбегі мен жеңістерін бағалаудың айқын көрінісі болды.
Алатау қаласы әкімінің баспасөз қызметі.
