ЖҰМЫСШЫ МАМАНДЫҚ ИЕЛЕРІНЕ ҚҰРМЕТ

2025 жыл  Президенттің жарлығымен  «Жұмысшы мамандықтар жылы» деп жарияланды.  Биыл дәстүрлі тамыз конференциясында бірінші рет педагогтар ғана емес, жұмысшы мамандықтардың өкілдері де марапатталды. Елордада өткен «Білім келешегі: адал азамат, кәсіби маман» Республикалық тамыз кеңесінде марапатталған мектептер мен балабақшалардың техникалық қызметкерлері, полицейлер, медицина қызметкерлері, құрылысшылар және басқа да мамандардың еңбектері  еленіп, жоғарғы марапаттарға ие болды. Сол марапаттардың арасында Алматы облысы, Еңбекшіқазақ ауданы, Достық ауылында орналасқан  «Алтынбике Бертаева атындағы орта мектеп» коммуналдық мемлекеттік мекемесінің кіші қызметкері болып бірнеше жылдан бері жұмыс істеп жүрген Даутов Ерболат Алирахимұлы  менде министрліктің  алғыс хатымен  марапатталдым. Қазақстан Республикасының Оқу-ағарту министрі Ғани Бейсембаевтың  біздей жұмыскерлерге сенім артып, еңбегімізді елегені үшін алғысымды білдіремін. Бұл мен үшін және барша жұмыскерлер үшін үлкен мәртебе. Жас ұрпақты құрметті жұмысшы мамандығын дұрыс таңдауға шақырамын!