ҚАРТ КІСІЛЕРГЕ КӨШПЕЛІ МЕДИЦИНАЛЫҚ КЕҢЕС БЕРІЛДІ
Талғар ауданы AMANAT партиясының мүшелері мен медицина қызметкерлері «Ардагерлерді ардақтайық» партиялық жобасы аясында қарт азаматтарға арналған көшпелі медициналық тексеру жұмыстарын ұйымдастырды.
Аталған іс-шара барысында ардагерлердің жалпы денсаулық жағдайы тексеріліп, қан қысымы өлшеніп, түрлі медициналық көрсеткіштер назарға алынды. Сонымен қатар, тәжірибелі дәрігерлер тарапынан алғашқы кеңестер мен қажетті нұсқаулықтар берілді.
Бұл игі бастама – қарттарымызға деген ерекше құрметтің, әлеуметтік жауапкершілік пен қамқорлықтың жарқын үлгісі. AMANAT партиясы аға буын өкілдеріне тұрақты түрде қолдау көрсетіп, олардың денсаулығы мен әл-ауқатын жақсартуға бағытталған шараларды жүйелі түрде жалғастыра береді.
