«Есірткісіз болашақ» форумы өтті

Алматы облысы, Жамбыл ауданы Полиция басқармасының ұйымдастыруымен есірткіге қарсы айлық аясында жастар арасында «Есірткісіз болашақ» форумы өткізілді.

Іс-шара барысында Алматы облысы ПД Қоғамдық қауіпсіздік басқармасы құқық бұзушылықтардың алдын алуды ұйымдастыру бөлімінің ювеналдық полиция тобының ерекше тапсырмалар жөніндегі аға инспекторы, полиция подполковнигі Құдайбергенова Лаура Иманғалиқызы сөз сөйлеп, жастарға есірткінің зияны мен құқықтық салдары туралы түсіндірме жұмыстарын жүргізді.
Форумның мақсаты – жастар арасында салауатты өмір салтын насихаттау, құқықтық сауаттылықты арттыру және есірткіге қарсы көзқарас қалыптастыру.