Ішкі саясаттағы басым бағыттарымыз айқындалды
Тоқаев бүгін "Қазақстан ішкі саясатындағы ұстанымдар, құндылықтар мен бағытын бекіту туралы" Жарлыққа қол қойды. Бұрын-соңды мұндай заңды күші бар құжатты естімеген екенбіз. Мұнда не мәселе қарастырылған? Соны түсіну үшін оқып шығуға тура келді.
Елді жүйелі түрде жаңартудың жаңа кезеңінде ішкі саясатта екі деңгейлі міндет тұр екен. Жалпақ тілмен айтқанда, оның бірі - сыртқы және ішкі өзгерістерге мемлекетті тиімді жағынан бейімдеу;
Екіншісі - мемлекеттік институттар мен қоғамды не нәрсе біріктіреді деген негізгі принциптерді айқындап алу.
Бұл құжат қоғам мен мемлекеттің алдағы уақытта қандай бағытта дамитынын айқындайды.
Мұны жүзеге асыру үшін "Еститін мемлекет", "Заң мен тәртіп", "Бір ұлт - түрлі көзқарас", "Қуатты Президент - Ықпалды Парламент- Есеп беретін Үкімет", "Адал азамат" және "Таза Қазақстан" принциптеріне негізделеді.
Бұл мемлекетті қалыптастыруда жаңа бағыттарға жол сілтейді.
"Заң мен тәртіп" - құқықтық мемлекет негізі.
"Еститін мемлекет" - өзара іс-қимыл құралы.
"Бір ұлт - түрлі көзқарас" - өзара түсіністік әдісі.
"Қуатты Президент - Ықпалды Парламент- Есеп беретін Үкімет" - басқару әдісі.
"Адал азамат" - ойлау жүйесі.
"Таза Қазақстан" - тәртіп этикасы.
Сондай-ақ, құжатта қоғамдық диалог, ұлтаралық қарым-қатынас, дін мәселесі бойынша, мәдени-гуманитарлық, отбасылық, ақпараттық саясат жан-жақты қамтылған.
Осының бәі жинақталып келіп, болашақтағы Әділетті Қазақстанның формуласына айналады.
Алматы облыстық мәслихат депутаты Увалиев Мұрат Талғатұлы
