Пропорционалды жүйе – саяси өкілдікті кеңейтудің тиімді тетігі

Депутат Айдос Сарымның пропорционалды жүйенің мажоритарлық жүйеге қарағанда айтарлықтай артықшылықтары бар деген пікірі сайлау жүйесін жетілдіру бағытындағы өзекті мәселелерді күн тәртібіне шығарып отыр. Қазіргі саяси үдерістер жағдайында халықтың әртүрлі әлеуметтік топтары мен көзқарастарының заң шығару органында тең дәрежеде ұсынылуы ерекше маңызға ие.

Пропорционалды жүйе саяси партиялардың рөлін күшейтіп, сайлаушылардың ерік-жігерін неғұрлым дәл бейнелеуге мүмкіндік береді. Бұл өз кезегінде Парламенттің саяси плюрализмін арттырып, қабылданатын шешімдердің легитимділігін күшейтеді. Сонымен қатар, бұл модель жүйелі бағдарламаларға негізделген саяси бәсекелестікті қалыптастыруға ықпал етеді.

Сайлау жүйесін жетілдіру мәселесі қоғамдық талқылау арқылы, халықаралық тәжірибені ескере отырып жүзеге асуы тиіс. Осы тұрғыдан алғанда, пропорционалды жүйенің артықшылықтары туралы көтерілген пікір саяси институттарды нығайтуға бағытталған маңызды бастамалардың бірі деп бағалануға лайық.

Қалалық маслихат депутаты
Айдын Макпыр