Білім мен тәрбие жүйесінің зайырлы сипатын Конституцияда бекіту – болашаққа салынған инвестиция
Қолданбалы экономикалық зерттеулер орталығының ғылыми жетекшісі Жақсыбек Күлекевтің пікірінше, Қазақстандағы білім және тәрбие беру жүйесінің зайырлы сипатын Конституция деңгейінде нақты бекіту – қоғамның орнықты дамуы үшін маңызды қадам. Зайырлы білім беру – ғылыми ойлау мен сыни талдауға негізделген, барлық азамат үшін тең мүмкіндіктерді қамтамасыз ететін жүйе.
Білім беру саласы идеологиялық немесе діни ықпалдан ада болып, жас ұрпаққа ортақ құндылықтарды – заңға құрмет, толеранттылық, азаматтық жауапкершілік пен әлеуметтік келісімді қалыптастыруы тиіс. Зайырлылық қағидатын Конституцияда айқындау білім саласының тұтастығын сақтап, ұрпақ тәрбиесінде бірізді әрі заманауи бағытты қамтамасыз етеді.
Бұл қадам адами капиталдың сапасын арттыруға, қоғамдағы тұрақтылықты нығайтуға және ел экономикасының ұзақ мерзімді бәсекеге қабілеттілігін күшейтуге бағытталған стратегиялық шешім болып табылады.
Қоғамдық пікір көшбасшысы Ақерке Еркінбекқызы
