«ИНТЕЛЛСЕРВИС» ЖШС еңбек ұжымымен кездесу өтті

«ИНТЕЛЛСЕРВИС» ЖШС мекемесінің еңбек ұжымымен кездесу ұйымдастырылып, алдағы республикалық референдумға қатысты агитациялық-түсіндіру жұмыстары жүргізілді.
Кездесу барысында елімізде жүзеге асырылып жатқан саяси реформалардың мәні, ұсынылып отырған өзгерістердің маңыздылығы және олардың азаматтардың күнделікті өміріне ықпалы жан-жақты түсіндірілді.
Атап айтқанда, Қасым-Жомарт Тоқаев бастамасымен ұсынылған Жаңа Конституция жобасының негізгі бағыттары – әділеттілік қағидаттарын нығайту, заң үстемдігін күшейту, азаматтардың құқықтарын қорғау және қоғамның мемлекеттік басқаруға қатысу мүмкіндігін кеңейту мәселелері сөз болды.
Еңбек ұжымы өздерін толғандырған сұрақтарын қойып, ашық пікір алмасты. Қатысушылар алдағы референдумның ел болашағы үшін маңыздылығын атап өтіп, белсенділік таныту қажеттігін жеткізді.

Өңірлік коалицияның баспасөз қызметі.