Құрылтай - ел бірлігі мен тұрақты дамудың маңызды алаңы

Құрылтай – қоғам мен мемлекеттің өзара байланысын нығайтып, халықтың ұсыныстары мен пікірлерін мемлекеттік саясатпен ұштастыратын маңызды қоғамдық институт. Бұл алаңда елдің өзекті мәселелері жан-жақты талқыланып, ұлттық бірлікті нығайтуға және Қазақстанның тұрақты дамуына бағытталған нақты бастамалар қалыптасады.
Құрылтай жұмысына еліміздің барлық өңірлерінен келген қоғам қайраткерлері, ғалымдар, жастар, еңбек адамдары, үкіметтік емес ұйымдардың өкілдері мен сарапшылар қатысады. Олар қоғамдық маңызы бар мәселелер бойынша өз ұсыныстарын ортаға салып, ел дамуына қатысты тың бастамалар көтереді. Құрылтайда айтылған көптеген ұсыныстар мемлекеттік бағдарламалар мен заңнамалық өзгерістердің негізіне айналып, қоғам өміріндегі оң өзгерістерге серпін беруде.
Құрылтай отырыстарында ұлттық құндылықтарды сақтау, мемлекеттік тілдің мәртебесін арттыру, білім беру сапасын жетілдіру, балалардың құқықтарын қорғау, отбасы институтын нығайту, заң мен тәртіпті қамтамасыз ету, экологиялық мәдениетті қалыптастыру және өңірлердің дамуы секілді стратегиялық маңызды бағыттар қарастырылады.
Балалардың қауіпсіздігі мен құқықтарын қорғау мәселесі де Құрылтай күн тәртібіндегі негізгі басымдықтардың бірі. Себебі жас ұрпақтың сапалы білім алып, қауіпсіз ортада өсуі, құқықтарының толық сақталуы – елдің жарқын болашағына салынған маңызды инвестиция.
Сонымен қатар, қоғамдық келісім мен татулықты сақтау, заңға құрмет пен жауапкершілік мәдениетін қалыптастыру – Құрылтай қызметінің маңызды бағыттарының бірі. Бірлігі бекем, заң үстемдік құрған қоғам ғана тұрақты дамуға қол жеткізіп, болашаққа нық қадам жасай алады.
Құрылтай – өткеннің тағылымын бүгінгі күннің талабымен сабақтастырып, елдің келешегіне бағыт-бағдар беретін маңызды қоғамдық диалог алаңы. Оның басты мақсаты – халық бірлігін нығайту, азаматтардың қоғамдық белсенділігі мен ел дамуына деген жауапкершілігін арттыру.
Бірлік пен ынтымақты нығайту, ұлттық құндылықтарды дәріптеу, заң мен тәртіпті сақтау, жас ұрпаққа сапалы тәрбие мен білім беру – әрбір қазақстандықтың ортақ міндеті. Осындай құндылықтар ғана Әділетті Қазақстанды қалыптастырудың және еліміздің тұрақты дамуының берік негізі болмақ.

Даяна Рахатқызы,
Алматы облысының Балалар құқықтарын қорғау басқармасының статист маманы