Алматы мен облысты байланыстыратын алты жаңа көлік дәлізі салынады
Алматы қаласы мен оған іргелес елді мекендер арасындағы көлік қатынасын жақсарту мақсатында ауқымды инфрақұрылымдық жобалар жүзеге асырылып жатыр. Мегаполистің негізгі көшелерін қала шекарасына дейін ұзарту, жаңа магистральдар салу және оларды Үлкен Алматы айналма автомобиль жолымен (ҮАААЖ) байланыстыру көзделген. Жобалар толық іске асқанда көлік қозғалысы жеңілдеп, тұрғындардың жолға жұмсайтын уақыты қысқарады деп күтілуде, деп хабарлайды Alataunews.kz.
