Алматы облысының экологиялық жағдайын жақсартудың 2023-2025 жылдарға арналған Жол картасы
2024 жылдың 10 қазанында Қонаев қаласында Алматы облысы бойынша Экология департаментінің ұйымдастыруымен есептік кездесу өтті. Кездесу барысында экологиялық жағдайды жақсарту мақсатында 2023-2025 жылдарға арналған Жол картасының орындалуы талқыланды. Іс-шараны бас мемлекеттік экологиялық инспектор, департамент басшысының орынбасары Бахытжан Маметжанович Молдахметов жүргізді.
Күн тәртібінде бес негізгі мәселе қаралды:
1. Көмірді пайдаланатын жылу энергия өндіретін кәсіпорындардың шығарындыларын азайту, газға көшіру;
2. Көмірді пайдаланатын жеке тұрғын үйлердің шығарындыларын азайту, газға көшіру;
3. Көгалдандыру;
4. Су ресурстарын реттеу;
5. Қалдықтарды басқару.
Бұл шараға Алматы облысының әкімдігі, түрлі басқармалар мен аудандардың әкімдіктері, сондай-ақ табиғатты пайдаланушы кәсіпорындардың өкілдері қатысты.
Кездесу қорытындысы бойынша қатысушылар экологияны жақсарту бойынша қабылданған шараларды одан әрі дамытып, нақты нәтижелерге қол жеткізуге күш салатынын растады.
Мирас Тыныштык , Алматы облысы бойынша экология департаментінің баспасөз қызметі
