Талғарлық жас талант Президенттің алғысына бөленді
Алматы облысы, Талғар ауданының 16 жастағы өнерпазы Жомарт Оспаналы республикалық байқауларда топ жарып жүрген талант иесі Президент Қасым-Жомарт Тоқаевқа хат жазып, назарына ілігіп, жас дарынның шығармашылығы жоғары бағаланды.
Президенттің тапсырмасымен Алматы облысының әкімі Марат Сұлтанғазиев Жомартпен арнайы кездесіп, оның шығармашылығына жоғары баға берді.
Кездесу барысында Жомартқа Мемлекет басшысының атынан құнды сыйлықтар мен ізгі тілектер табысталды. Әкім жас таланттың болашағынан зор үміт күтетінін айтып, оның өнері ел мәдениетінің дамуына үлес қосатынына сенім білдірді.
Мұндай қолдау жастарды шабыттандырып, жаңа белестерге жетелейтіні анық.
Алматы облысы әкімнің баспасөз қызметі.
