Алатау қаласында белсенді ұзақ өмір сүру орталығының ашылуына арналған кездесу өтті
Алатау қаласында белсенді ұзақ өмір сүру орталығының ашылуына орай арнайы кездесу ұйымдастырылды. Бұл маңызды шараға Алматы облысының Аналар кеңесінің төрайымы Г.С. Жошыбаева, Облыстық "Белсенді ұзақ өмір сүру орталығы" КММ директоры Ж.К. Сакташева, Алатау қаласының әкімі Өтенов А.Х. қатысты.
Кездесу барысында белсенді ұзақ өмір сүру орталығының басты міндеттері мен болашақтағы жоспарлары талқыланды. Қатысушылар егде жастағы азаматтарды әлеуметтік қолдау, олардың денсаулығын жақсарту және қоғамдық өмірге белсенді араласуына ықпал ету мәселелерін талқылап, бірқатар маңызды бастамаларды ұсынды.
Бұл орталық аймақтағы егде жастағы адамдар үшін жаңа мүмкіндіктер ашып, олардың өмір сапасын жақсартуға ықпал ететін маңызды жоба болып табылады. Кездесу соңында барлық қатысушылар бірлескен жұмыстардың маңыздылығын атап өтіп, орталықтың табысты қызмет атқаруына тілектестік білдірді.
Кеңесбаева Гүлназ Ізбасарқызы, Алатау қаласының әкімінің баспасөз хатшысы.
