«Ауыл нақыштары» атты фотокөрмесі
«Ауыл нақыштары» атты фотокөрмесі «Ауыл» партиясы Алматы қалалық филиалының ұйымдастыруымен Темірбек Жүргенов атындағы Қазақ ұлттық өнер академиясы қабырғасында өтті.
Көрменің басты мақсаты – қазақ ауылының тыныс-тіршілігін, ұлттық құндылықтар мен салт-дәстүрлерді, ауыл адамдарының еңбегі мен табиғаттың әсем көріністерін насихаттау болды. Фотокөрмеге келушілер ауыл өмірінің шынайы бейнесін көрсететін ерекше туындылармен танысып, ұлттық рухты сезінуге мүмкіндік алды.
Сонымен қатар, партия өкілдері өнер ордасының студенттерін «Ауыл нақыштары» фотоконкурсына қатысуға шақырды.
Іс-шара барысында қатысушылар ауыл мәдениеті мен руханиятының маңыздылығы туралы пікір алмасып, жастардың ұлттық мұраға деген қызығушылығын арттыру мәселелерін талқылады.
«Ауыл нақыштары» фотокөрмесі көрермендерге ерекше әсер сыйлап, қазақ ауылының болмысы мен құндылықтарын дәріптейтін тағылымды мәдени шараға айналды.
«Ауыл» партиясы Алматы қаласы филиалының баспасөз қызметі
