Алматы облысында картоп жинау жұмыстары қарқынды жүріп жатыр

Алматы облысында биыл картоп егістігінің көлемі 9,7 мың гектарды құрады. Бұл өткен жылмен салыстырғанда 440 гектарға артық. Қазір өңірде картоп жинау науқаны қарқынды жүргізілуде.

Бүгінде 6,2 мың гектар алқаптың өнімі жиналды. Орташа өнімділік гектарына 300 центнерді құрап, осы уақытқа дейін 186 мың тонна картоп бастырылды. Жыл соңына дейін жалпы 291 мың тонна өнім алу жоспарланып отыр.

Өнімді сақтауға облыстағы 75 көкөніс-жеміс және картоп қоймасы жұмылдырылады. Олардың жалпы сақтау сыйымдылығы 132,5 мың тоннаны құрайды. Оның ішінде 36 жеміс сақтау қоймасының сыйымдылығы – 55 мың тонна, 19 көкөніс қоймасы – 45 мың тонна, ал 20 картоп қоймасы 32,5 мың тонна өнім сақтауға мүмкіндік береді.