Қауіпсіз жол
Құрметті Алматы облысы Қонаев қаласының тұрғындары мен қонақтары! Ағымдағы жылдың 02-29 ақпан аралығында Республика көлемінде «Қауіпсіз жол» жедел алдын алу іс шарасы өтуде, іс шараның мақсаты жол көлік оқиғаларын азайту, жол жүрісі қағидаларын өрескел бұзудың жолын кесу және анықтау.
Мысалы: 2024 жылдың 06-ақпан күні жедел алдын алу іс-шарасы барысында, Қонаев қаласының полиция басқармасының «Бүркіт-256» экипажы құрамында Патрульдік полиция взводының инспекторлары Қонаев қаласы Алматы көшесі бойында «Тоyota Avensis» маркалы автокөлігін алкогольдік сусын ішкен күйде басқарған Н.есімді жүргізушіге ҚР ӘҚБтК-нің 608 бабы 1-бөлігіне сәйкес әкімшілік құқық бұзушылық туралы хаттама толтырылды. Қонаев қаласының соты Н. есімді жүргізушіні он бес тәуліктік қамауға және жеті жылға көлік жүргізу құқығынан айыру туралы қаулы шығарды. Н.есімді азамат Қонаев қаласының ПБ күдіктілер мен айыптаушыларды уақытша ұстау изоляторына қамалды.
Осыған байланысты сіздерден жол ережесін қатаң сақтауды сұраймыз.
Алматы облыстық Полиция Департаментінің баспасөз қызметі
