Құрметті Алматы облысы Қонаев қаласының тұрғындары мен қонақтары!
Ағымдағы жылдың бесінші мен жиырма тоғызыншы ақпан аралығында Республика көлемінде «Қауіпсіз жол» жедел алдын алу іс шарасы өтуде,
іс шараның мақсаты жол көлік оқиғаларын азайту, жол жүрісі қағидаларын өрескел бұзудың жолын кесу және анықтау.
Іс шара өткізудің сегізінші күнінде, Қонаев қаласы бойынша барлығы 400-ден астам әкімшілік құқық бұзушылық анықталды, оның ішінде жолаушыларды және жүктердi тасымалдау және қауiпсiздiк белдіктерiн пайдалану қағидаларын сақтамау үшін 92 фактісі, көлiк құралын басқару кезiнде жүргiзушiнiң телефонды пайдалану үшін – 42, сонымен қатар жүргізушінің көлік құралын алкогольдік масаң күйде басқарғаны үшін екі жүргізуші әкімшілік жауапкершілікке тартылды.
Мысалы: алтыншы ақпан күні жедел алдын алу іс-шарасы барысында, патрульдік полиция взводының инспекторлары Қонаев қаласы Алматы көшесі бойында «Тоyota Avensis» маркалы автокөлігін алкогольдік сусын ішкен күйде басқарған жүргізушіге әкімшілік құқық бұзушылық туралы хаттама толтырылды. Қонаев қаласының соты жүргізушіні он бес тәуліктік қамауға және жеті жылға көлік жүргізу құқығынан айыру туралы қаулы шығарды.
Сонымен қатар осы жүргізуші Қонаев қаласының ПБ күдіктілер мен айыптаушыларды уақытша ұстау изоляторына қамалды.
Жол қауіпсіздігін қамтамасыз ету мақсатында жүргіншілер мен автокөлік иелеріне қозғалыс кезінде өте мұқият болуларыңызды және қауіпсіздік талаптарын қатаң сақтауларыңызды сұраймыз.
