ТАЛҒАР ҚАЛАСЫНДА 20 КҮН ІШІНДЕ ЕШҚАНДАЙ ҚЫЛМЫС ПЕН ҚҰҚЫҚБҰЗУШЫЛЫҚ ТІРКЕЛГЕН ЖОҚ

Алматы облысына қарасты Талғар қаласында полиция қызметкерлері айтарлықтай нәтижеге қол жеткізді – соңғы 20 күнде бірде-бір қылмыс немесе құқықбұзушылық тіркелген жоқ.

Мұндай көрсеткіш құқық қорғау органдарының азаматтардың қауіпсіздігі мен қоғамдық тәртіпті қамтамасыз етуге бағытталған жүйелі әрі мақсатты жұмысының нәтижесі болып табылады. Профилактикалық және рейдтік іс-шаралар күн сайын өткізіліп, Алматы облысы Полиция департаментінің бастығы Мейрам Әбікеевтің жеке бақылауында тұр.

– Заң қызметкерлерінің басты ұстанымдары – «Заң және тәртіп», «Еститін мемлекет» және «Құқықбұзушылықтарға нөлдік төзімділік» қағидаттары. Бұл негізгі бағыттар полиция жұмысының мәнін айқындайды – көшелерді патрульдеуден бастап, тұрмыстық жанжалдардың алдын алу мен халық пен құқық қорғау органдары арасындағы сенімді нығайтуға дейінгі барлық саланы қамтиды, – деп атап өтті ведомство өкілдері.

Қызметті нақты ұйымдастырудың, халықпен тығыз өзара іс-қимыл жасаудың және қылмыстық ахуалды тұрақты талдаудың нәтижесінде заң бұзушылықтардың алдын алып, қаладағы тұрақтылықты сақтап қалу мүмкін болды.

– Мұндай оң динамика кездейсоқ емес, бұл «Заң және тәртіп» қағидатын дәйекті түрде іске асырудың нәтижесі. Әрбір қызметкер өз учаскесіндегі қоғамдық тәртіптің жай-күйі үшін жеке жауапкершілік алады, – деді тәртіп сақшылары.

Талғар қаласында жұмыс осы бағытта жалғасуда. Полицейлердің айтуынша, «Еститін мемлекет» қағидатын ұстана отырып және «Құқықбұзушылықтарға нөлдік төзімділік» таныта отырып қана өңірдің әр ауданында тұрақты тыныштық пен қауіпсіздікке қол жеткізуге болады.