«Қауіпсіз шотқа аударыңыз» деген ұсынысқа ешқашан сенбеңіз. Мұндай шот болмайды.

 «Банк қызметкері», полиция немесе мемлекеттік орган өкілі ретінде қоңырау шалатын алаяқтарды қалай тануға және олардың айласына түсіп қалмауға болады?
Қазіргі таңда телефон арқылы жасалатын алаяқтық – ең көп таралған қылмыстардың бірі. Алаяқтар өздерін банк қызметкері, полиция, прокуратура немесе мемлекеттік органның маманы ретінде таныстырып, адамдардың сеніміне кіріп, ақшасы мен жеке деректерін иемденуге тырысады.
Алаяқтарды қалай тануға болады?
Өздерін банк қызметкері ретінде таныстырады.
«Картаңыздан күмәнді операция анықталды», «Шотыңызды қорғау үшін кодты айтыңыз» деген сөздермен сізді қорқытады.
Полиция немесе мемлекеттік органның атынан хабарласады.
«Сіздің атыңызға несие рәсімделді», «Арнайы операция жүргізіліп жатыр» деп сендіруге тырысады.
Асықтырады және қысым көрсетеді.
«Дәл қазір әрекет етіңіз!», «Бірнеше минут ішінде ақшаңызды жоғалтасыз!» деп үрей тудырады.
Құпия ақпаратты сұрайды.
SMS-кодты, PIN-кодты, CVV-кодты немесе мобильді банктің құпиясөзін сұраса – бұл алаяқтықтың айқын белгісі.
Ақшаны басқа шотқа аударуды талап етеді.