«Бақытты отбасы» жобасы аясында Талғарда спорттық байқау өтті
«AMANAT» партиясының «Бақытты отбасы» партиялық жобасы аясында Талғар ауданындағы №46 орта мектепте «Біз бақытты отбасымыз» атты спорттық байқау ұйымдастырылды. Іс-шараның негізгі мақсаты – отбасы құндылықтарын дәріптеу, ата-ана мен бала арасындағы байланысты нығайту және салауатты өмір салтын насихаттау болды.
Байқауға аудан бойынша 7 отбасы қатысып, түрлі спорттық сайыстарда өз өнерлері мен ұйымшылдығын көрсетті. Қатысушылар эстафеталық жарыстар мен көңілді ойындарда өзара қолдаудың, бірліктің және мықты отбасылық ынтымақтың үлгісін танытты. Әр отбасы белсенділігі мен креативтілігі арқылы көрермендердің зор қошеметіне бөленді.
Жарыс қорытындысында жеңімпаз және жүлдегер отбасыларға дипломдар мен бағалы сыйлықтар табысталды.
Ұйымдастырушылар мұндай шаралардың отбасы институтын нығайтуға, қоғамда ізгі құндылықтарды және салауатты өмір салтын кеңінен насихаттауға үлкен үлес қосатынын атап өтті.
«AMANAT» партиясы алдағы уақытта да «Бақытты отбасы» жобасы аясында тұрғындардың әл-ауқатын арттыру мен отбасы құндылықтарын нығайту бағытындағы игі істерін жалғастыра бермек.
