Халықтық штаб пошта торабының ұжымымен кездесті
Пошта торабында өткен кездесуде Халықтық штаб өкілдері АЭС салудың экологиялық аспектілері туралы пікір алмасты.
Штаб мүшелері атом электр станцияларының экологиялық тұрғыдан тиімділігін түсіндіріп, олардың парниктік газдар шығарындыларынсыз жұмыс істейтінін айтты.
«Атом электр станциялары атмосфераны ластамайды және жаңартылатын энергия көздерімен бірге жұмыс істегенде экологиялық жүктемені азайтады», – деп мәлімдеді Халықтық штаб мүшесі Самат Рахышев.
Ауыл тұрғындары радиациялық қауіпсіздікке байланысты сауалдарын қойып, мамандардан толық жауап алды. Жиын барысында АЭС-тің ең заманауи қауіпсіздік талаптарына сәйкес келетіні және әлемдік тәжірибеде оның экологиялық таза энергия көзі ретінде танылғаны айтылды.
