1 наурызға дейін Бірыңғай уақыт белдеуі туралы шешім қабылданады
Қасым-Жомарт Тоқаев «Ana tili» газетіне берген сұхбатында бірыңғай уақыт белдеуіне көшу мәселесін талқылады. Президенттің айтуынша, бұл қадам халықтың күнделікті өміріне, денсаулығына және экономикаға оң әсер етпек. Уақыт белдеуін тұрақтандыру еңбек өнімділігін арттырып, азаматтардың өмір сапасын жақсартуға мүмкіндік береді.
1 наурызға дейін бұл мәселеге қатысты барлық ғылыми зерттеулер мен қоғамдық пікірлер жан-жақты талданып, нақты шешім қабылданбақ. Парламентте ғалымдар, сарапшылар және өңірлер өкілдерінің қатысуымен өткізілген тыңдаулардың нәтижесі бойынша ең тиімді ұсыныстар ұсынылады.
Менің ойымша, бұл бастама уақытылы көтеріліп отыр. Қазірдің өзінде сағат тілінің өзгеруі денсаулыққа, күнделікті өмірге қаншалықты әсер ететінін бәріміз білеміз. Бірыңғай уақыт белдеуі – біздің өмірімізді жеңілдетіп, жұмыс тиімділігін арттыратын қадам. Президенттің бұл реформасы халықтың мүддесіне сай келетініне сенімдімін. Ең бастысы, бұл шешім қоғам үшін барынша пайдалы болмақ.
Төлепберген Еламан Алғабасұлы.
