Ауыл кәсіпкерлері және «Аналар кеңесі» мүшелерімен кездесу өтті

Ауыл кәсіпкерлері мен «Аналар кеңесі» мүшелерімен кездесу ұйымдастырылып, алдағы республикалық референдумға байланысты агитациялық-түсіндіру жұмыстары жүргізілді.
Кездесу барысында ұсынылып отырған конституциялық өзгерістердің мәні, олардың ел дамуына және азаматтардың құқықтарын қорғауға бағытталған негізгі басымдықтары кеңінен түсіндірілді.
Сондай-ақ, Қасым-Жомарт Тоқаев бастамасымен жүзеге асырылып жатқан саяси реформалардың маңыздылығы айтылып, референдум арқылы халықтың өз таңдауын жасау мүмкіндігі ерекше атап өтілді.
Кәсіпкерлер бизнесті қолдау, ауыл инфрақұрылымын дамыту, әлеуметтік тұрақтылық мәселелері бойынша пікір білдірсе, «Аналар кеңесі» мүшелері отбасы құндылықтары, балалардың қауіпсіздігі мен тәрбиесіне қатысты ойларымен бөлісті.
Ашық форматтағы кездесу барысында қатысушылар өз сұрақтарын қойып, ұсыныстарын жеткізді. Мұндай кездесулер қоғаммен тікелей байланыс орнатуға және референдумның мән-маңызын кеңінен түсіндіруге мүмкіндік береді.

Өңірлік коалицияның баспасөз қызметі.