Колледж студенттерімен референдум мәселелері талқыланды

Еңбекшіқазақ ауданы Есік қаласындағы Медициналық колледж студенттерімен өткен кездесуде 15 наурызда өтетін республикалық референдумның маңызы түсіндірілді.
Коалиция мүшелері референдум – тікелей демократияның маңызды тетігі екенін, бүкілхалықтық дауыс беру арқылы қабылданған шешімдер жоғары заңды күшке ие болатынын атап өтті.
Коалиция мүшесі Жанарбек Әшімжанов жастардың саяси белсенділігіне ерекше мән берді.
«Референдум – бұл тек дауыс беру рәсімі емес. Бұл – әр азаматтың, соның ішінде жастардың, елдің даму бағытын айқындауға қатысу мүмкіндігі. 15 наурыз – Қазақстанның құқықтық болашағын бекітетін маңызды кезең», – деді ол.
Студенттер кездесуге белсенді қатысып, сұрақтарына жауап алды.

Алматы облыстық коалициясының баспасөз қызметі