ІЛЕ АУДАНЫНДА КОНСТИТУЦИЯЛЫҚ РЕФОРМА БОЙЫНША КЕЗДЕСУ ӨТТІ

Бүгін «Әділетті және Прогрессивті Қазақстанның Халықтық Конституциясы үшін!» коалициясының мүшелері ауданымыздағы мемлекеттік қызметшілермен кездесу өткізді.

Іс-шара барысында 15 наурызда өтетін республикалық референдумға шығарылған жаңа Конституция жобасын талқылады.

Кездесу барысында коалиция мүшелері жаңа Ата Заңның адамға бағдарланған сипаты, әлеуметтік кепілдіктердің сақталуы, еңбек құқықтары, цифрлық қауіпсіздік және дәстүрлі отбасы құндылықтарын қорғау мәселелеріне тоқталды. Сондай-ақ қатысушылардың сұрақтарына жауап беріп, алдағы референдумның маңыздылығын атап өтті.

«Жаңа Конституция – біздің ортақ болашағымыздың негізі. Әрбір азаматтың референдумға қатысып, дауыс беруі – еліміздің даму жолына қосқан үлесі», – деді коалиция мүшесі Максат Сейдалиев.

Ұжым өкілдері жаңа Конституция жобасымен танысып, өздерін қызықтырған сұрақтарға жауап алғандарына алғыстарын айтты.

Жалпыұлттық коалиция ақпараттық-түсіндіру жұмыстарын жалғастырып, еліміздің түкпір-түкпірінде осындай кездесулер өткізуді жоспарлап отыр.

Кездесу соңында мемлекеттік қызметшілер 15 – наурызда өтетін сайлауға қолдау білдіріп, барша қазақстандықтарды референдумға белсенді түрде қатысуға шақырды.

Өңірлік коалицияның баспасөз қызметі.